startpagina | rubriekoverzicht > teksten > catullus

Carmina 8

Latijnse tekst

Miser Catulle, desinas ineptire

et quod vides perisse perditum ducas.

Fulsere quondam candidi tibi soles,

cum ventitabas quo puella ducebat,

amata nobis quantum amabitur nulla. [5]

Ibi illa multa cum iocosa fiebant,

quae tu volebas nec puella nolebat,

fulsere vere candidi tibi soles.

Nunc iam illa non vult: tu quoque, impotens, noli

nec quae fugit sectare nec miser vive, [10]

sed obstinata mente perfer, obdura.

Vale, puella. Iam Catullus obdurat

nec te requiret nec rogabit invitam;

at tu dolebis, cum rogaberis nulla.

Scelesta, vae te! Quae tibi manet vita? [15]

Quis nunc te adibit? Cui videberis bella?

Quem nunc amabis? Cuius esse diceris?

Quem basiabis? Cui labella mordebis?

At tu, Catulle, destinatus obdura.

Woordverklaring

1	Catullus, -i (m.)	(Gaius Valerius) Catullus
	ineptire, -io, -ivi, -itum	dwaas handelen, onzin praten, leuteren
2	perire, -eo, -ii, -itum	(hier) verloren gaan, verdwijnen
	ducere, -o, duxi, ductum	(hier) achten, beschouwen als
3	fulgere, -eo, fulsi, –	stralen, schitteren, blinken
	candidus, -a, -um	(hier) stralend, glanzend
4	ventitare, -o, -avi, -atum	vaak/geregeld komen
5	quantus, -a, -um	(hier) zoveel ... als
6	iocosus, -a, -um	grappig, komisch
9	impotens, impotentis	machteloos, onmachtig, zwak
10	sectari, -or, -atus sum	overal volgen, achternalopen
11	obstinatus, -a, -um	vastberaden, standvastig
	obdurare, -o, -avi, -atum	volharden, uithouden
12	vale (imperatief van valere)	tot ziens, vaarwel
13	invitus, -a, -um	(hier) tegen jouw zin
15	scelestus, -a, -um	misdadig; (hoogst) ongelukkig
	vae (tussenwerpsel)	(o) wee
16	bellus, -a, -um	mooi, knap, leuk, lief(tallig)
18	basiare, -o, -avi, -atum	kussen, zoenen
	labellum, -i (o.)	lip(je)
	mordere, -eo, momordi, morsum	bijten
19	destinatus, -a, -um	vastbesloten, hardnekkig, koppig