startpagina | rubriekoverzicht > teksten > catullus

Carmina 39

Latijnse tekst

Egnatius, quod candidos habet dentes,

renidet usque quaque. Si ad rei ventum est

subsellium, cum orator excitat fletum,

renidet ille. Si ad pii rogum fili

lugetur, orba cum flet unicum mater, [5]

renidet ille. Quicquid est, ubicumque est,

quodcumque agit, renidet. Hunc habet morbum

neque elegantem, ut arbitror, neque urbanum.

Quare monendum est te mihi, bone Egnati.

Si urbanus esses aut Sabinus aut Tiburs [10]

aut pinguis Umber aut obesus Etruscus

aut Lanuvinus ater atque dentatus

aut Transpadanus, ut meos quoque attingam,

aut quilubet, qui puriter lavit dentes,

tamen renidere usque quaque te nollem: [15]

nam risu inepto res ineptior nulla est.

Nunc Celtiber es: Celtiberia in terra,

quod quisque minxit, hoc sibi solet mane

dentem atque russam defricare gingivam;

ut quo iste vester expolitior dens est, [20]

hoc te amplius bibisse praedicet loti.

Woordverklaring

1	Egnatius, -i (m.)	Egnatius
2	renidere, -eo, –, –	van vreugde stralen, glimlachen
	usque quaque (bijwoord)	altijd en overal
	reus, -i (m.)	aangeklaagde
3	subsellium, -i (o.)	(lage) (zit)bank
	orator, oratoris (m.)	redenaar
4	rogus, -i (m.)	brandstapel
5	lugere, -eo, luxi, luctum	treuren, in rouw gedompeld zijn
	orbus, -a, -um	beroofd (van een verwant)
	unicus, -a, -um	enig, alleen
6	ubicumque (bijwoord)	waar ook, om het even waar
8	elegans, elegantis	verfijnd, fijn, smaakvol
	urbanus, -a, -um	verfijnd, beschaafd
10	urbanus, -i (m.)	stadbewoner, stedeling, Romein
	Sabinus, -i (m.)	Sabijn
	Tiburs, Tiburtis (m.)	inwoner van Tibur
11	Umber, Umbri (m.)	Umbriër
	obesus, -a, -um	vet, gezet
	Etruscus, -i (m.)	Etrusk, Etruriër
12	Lanuvinus, -i (m.)	inwoner van Lanuvium
	dentatus, -a, -um	met tanden (uitgerust)
13	Transpadanus, -i (m.)	inwoner van Gallia Transpadana
14	quilibet, quaelibet, quid-/quodlibet	willekeurig ieder(e), ieder(e) mogelijk(e)
	lavere, -o, lavi, lautum/lotum	(hier) poetsen
16	risus, -us (m.)	het lachen, gelach
	ineptus, -a, -um	ongepast, onbehoorlijk; dwaas, idioot
17	Celtiber, Celtiberi (m.)	Keltiberiër
	Celtiberia, -ae (v.)	Keltiberië
18	mingere, -o, mi(n)xi, mi(n)ctum	plassen, pissen
	mane (bijwoord)	's morgens, 's ochtends
19	russus, -a, -um	rood
	defricare, -o, fricui, fric(a)tum	afwrijven
	gingiva, -ae (v.)	tandvlees
20	quo (bijwoord)	hoe ... (des te ...)
	expolire, -io, -ivi, -itum	polijsten
21	bibere, -o, bibi, –	drinken
	praedicare, -o, -avi, -atum	verkondigen, bekendmaken; benadrukken
	lotium, -i (o.)	urine