startpagina | rubriekoverzicht > teksten > catullus

Carmina 3

Latijnse tekst

Lugete, o Veneres Cupidinesque

et quantum est hominum venustiorum!

Passer mortuus est meae puellae,

passer, deliciae meae puellae,

quem plus illa oculis suis amabat, [5]

nam mellitus erat suamque norat

ipsam tam bene quam puella matrem,

nec sese a gremio illius movebat,

sed circumsiliens modo huc modo illuc

ad solam dominam usque pipiabat. [10]

Qui nunc it per iter tenebricosum

illuc, unde negant redire quemquam.

At vobis male sit, malae tenebrae

Orci, quae omnia bella devoratis:

tam bellum mihi passerem abstulistis! [15]

O factum male! O miselle passer!

Tua nunc opera meae puellae

flendo turgiduli rubent ocelli.

Woordverklaring

1	lugere, -eo, luxi, luctum	treuren, in rouw gedompeld zijn
	Venus, Veneris (v.)	Venus
	Cupido, Cupidinis (m.)	Cupido, Amor
2	quantum (bijwoord)	zoveel, voor zover, in hoeverre
	venustus, -a, -um	lieflijk, bekoorlijk, aantrekkelijk
3	passer, passeris (m.)	mus
4	deliciae, -arum (v. mv.)	lieveling
6	mellitus, -a, -um	(honing)zoet, lieflijk
8	gremium, -i (o.)	schoot
9	circumsilire, -io, -silui, –	(in een cirkel) rondhuppen
10	pipiare, -o, -avi, -atum	tjilpen, piepen
11	tenebricosus, -a, -um	donker, duister
14	Orcus, -i (m.)	onderwereld, dodenrijk, schimmenrijk
	bellus, -a, -um	mooi, knap, leuk, lief(tallig)
	devorare, -o, -avi, -atum	verslinden, verzwelgen
16	factum, -i (o.)	voorval, gebeurtenis; feit
	misellus, -a, -um	ongelukkig, ellendig
18	turgidulus, -a, -um	licht gezwollen
	rubere, -eo, rubui, –	rood zijn
	ocellus, -i (m.)	oogje